قصيدة الالفيه للمرحوم شبلي الاطرش .

هذه القصيده لدبابة الجبل الامير البطل شبلي الاطرش

واسمها الالفيه وفيها الكثير من المواعض والحكم اليكم :

الالف - اللفـت المعانـي لطالبـه من خاض بحراٍ بالمخاض وغيـص
يا سامعين القول اصغـوا لقصتـي وشوفوا معانيها مـع التشخيـص
ألبـا- بـرك لا تبـطـل لبـذلـه واضب على بنك دوم بالتحميـس
درب البخل ياصاح عارٍ على الفتى من غير ما يقولوا فـلان خسيـس
ألتا- لا تامن علـى المـال خايـن لو تحلفه عنـده اليميـن رخيـص
ردي الخصال مـا يغيـر طريقتـه الطبع تحت الـروح بالتخصيـص
الثا. ثبّت لفظ فمـك مـن الزلـل واحذر مـن التزويـد والتنقيـص
لا شك درب الكذب عيب على الفتى من خاس حكيه بالرجـال يخيـس
الجيم- جارك لا تجافيـه وتجحـده ولا يجحد الجيـران غيـر ابليـس
وصى النبي بالجـار مـن دور آدم وحـيَ كـلام الغانميـن نفـيـس
ألحا- حيّ الضيف ان جاك زايـر اضحك بوجهه لا تكـون عبيـس
الاجواد مثل الروض يزهو للنـدى والأنـذال صمـانٍ محـل ويبيـس
الخا- خل الناس تذكـر خصايلـك بالخير ماهـو فـي كـلام بخيـس
عرض الفتى مثل القزاز إذا انشعرفاحرص على عرضك من التدنيس
الدال- دار الناس تامن شرورهـم وخذ ما استطعت من الانام جليـس
منهم اسد ريبـال يعجبـك بالعطـا ومنهم حمار وبعـد فيهـم تيـس
الـذال- ذل النفـس لله وحــده يمحص ذنوبك في غـدٍ تمحيـص
النفس مثل النار لـو هبـه الهـوا بتشعـل الأخضـر مـع اليبيـس
الرّا- راح العمر ولى مـع الصبـا وعيش الفتى عقب الشباب نغيص
يا حلو ايـام الصبـا يـا رفاقتـي فيهـم غونـدات الأبكـار تميـس
الزى- زودها من الخير واجتنـب واحرص على نفسك من التبيـس
ولو تشير عليـك بالخيـر يافتـى فالهـم متلبـس بـهـا تلبـيـس
السين- سيفك لا يفارق وسادتـك خليك فرزٍ مـن الرجـال حريـص
ترى عدوك مـا يخلـي عداوتـه بالليل يسـري وبالنهـار ينيـس
الشين- اهل الشور تعمر بلادهـم ويخرب بـلاد العامـره التخبيـص
حنا الذي من يوم كثـرة اشوارنـا رحنـا قطايـع المليـح حبـيـس
الصاد- صون السر عن ساير الملا وخلي مخاضك عالرجـال وغيـص
لا تامـن الغـدار بالنـاس تنـدم مثـل الحصينـي دايـمٍ بلـيـص
الضاد- ضليلين العقـول المعـارة عمرك بعشرتهـم يـروح نغيـص
ما يعرفون الطوط اصله من البصل ولا يعرفون الجمعة مـن الخميـس
الطا- طب الجسم في قلـة الأكـل وطب النفوس الحفـظ والتدريـس
والله يحصـي للخلايـق عمالهـا وما ظن ميزان الحسـاب يخيـس
الظا- لا تظلـم تـرى الله يظلمـك وبعـد الصعـود يحـدرك تنكيـس
خيار الفتى جزام عـزام عالصبـى غفـار زلات الصـديـق أنـيـس
العين- عـادات الكـرام النفايـل يعطوا الكحيله والمهـر والسيـس
امـا ردي الخـال يظهـر يمينـه لو خيطو لـه فروتـه بمصيـص
الغين- غربتنا بـرودس وغيرهـا وباكريت جوات البحـور نغيـص
عسى الله يفرجها ونرجـع جميعـا ًولا درب على رب العباد وغيـص
الفا- فيهـم مثـل اجـود بالعطـا وان شاف جوده حل باب الكيـس
وفيهم سراب بزيـزات سمهدانـي شاطـر بكثـر الحكـي والتمليـس
القاف- قلنا الصبر يشفي من العلل صبرنا كما تصبر سـواد العيـس
نرجـو بـأن الله يجمـع شملنـا ويـردنـا لبـلادنـا تنـكـيـس
الكاف- كون بقسمـة الله راضـي ورزقك من الدنيا كفـن وقميـص
لو ان تملك الف مليون من الذهب لا بـد تسكـن باللحـود رميـس
اللام- لم الشمل مـا بيـن المـلا وخليك سيد على الجميـع رئيـس
من يأمن الدنيـا يـذوق غبونهـا يرى الصبح ظلمه بالسواد دميـس
الميـم- مـن لا يتـق الله ينـدم انظر إلى يعقـوب أخـاه العيـص
العيص جاب البدو دربو على الشقا ويعقوب جاب تنعش سبط نفيـس
النون- نار الوجد تكوي ضمايري من الشوق عدّني لسيـع قريـص
ان كنت انا يقظان اراعي خيالهـم وان نمت اشوفهم بالمنـام هديـس
الها - هداك الله خذ لـي رسالتـي على ظهر سلطان الطيور خصيص
نسر على نقـل الرسايـل مجـرب من عهد سيدنـا الإمـام إدريـس
الواو- وديها علـى ديـرة اهلنـا وصي الجميع اصحا الكلام يخيـس
من يامن الاتـراك يصبـح مثلنـا بالليـل يـزرع وبالنهـار يقيـس
اليا- يهودي مـن يامـن لتركـي بلا شـك التـرك نجـس نجيـس
صلوا على من شرف الارض ذكره محمد المختار واخزوا ابليس